طريقة حجزعمرة الترانزيت 4 ايام بنفسك
طريقة عمرة الترانزيت 4 ايام بنفسك
من خلال تجربتي لوجه الله و نسالكم الدعاء فقط
 |
| طريقة حجزعمرة الترانزيت 4 ايام بنفسك |
ملحوظة البوست استرشادى فقط يعنى الاسعار دى اكيد هتكون مختلفة عن سعر اليوم
حجزت بنفسي كل حاجه اولا دخلت الى موقع فلاى ناس من هنا https://www.flynas.com/
حجزت القاهرة جده جده القاهره تذكره لوحدها و جده عمان ف تذكره لوحدها تالت يوم من وصولي جده
سعر الطيران القاهرة جده جده القاهره 516 ريال يعني 7000 جنيه تقريبا
سعر التأشيره الترانزيت 97 ريال يعني 1316 جنيه
اول حاجه هندخل موقع فلاى ناس وتختار المواعيد المناسبة والاسعار المناسبة
واهم حاجه الوقت نحسبه صح يعنى مثلا هنسافر يوم 1يبقى الرجوع يوم 5 قبل الساعه 12بليل
ونوصل يوم 1 بعد الساعه12 علشان ماندخلش ف اليوم الخامس
وبعد ما بنختار المواعيد
القاهرة /جدة
الرياض او جده /عمان الاردن
المدينة أو جدة / القاهرة
وبعدين بندخل على معلومات المسافرين وتكتب البيانات صح زى جواز السفر بالظبط
لازم ناخد بالنا واحنا بنحجز نشيل اى خدمات بفلوس علشان نقلل قدر الإمكان المصاريف
وبعدين بندخل على الدفع وبيكون من فيزا مشتريات
لازم فيزا مشتريات أو فيزا بعملة خارجية
وبعدين بيجيلك التأكيد على gmail ال كتبته فى البيانات
وبتدخل تانى على موقع فلاى ناس هتلاقى خانه جديدة مكتوب فيها لعمل تأشيرة اضغط هنا تحت خانة إدارة الحجز او إصدار تأشيرة المرور
بتدخل عليها وتكتب البيانات صح زى جواز السفر بالظبط وتعمل تأكيد وبتدفع وبتجيلك ف ساعتها على ال gmail برضه وتحمل الصور علشان هتتطلب منك فى المطار أو بتطبعيهم احسن يبقوا معاكى وطبعا صور تذاكر الطيران من فلاى ناس
صورة شخصية ليك بخلفية بيضاء وتدخل ع الموقع وتعديلها تبقى 200*200 بكسل و متزدش عن 18 كيلوبايت دي عشان اصدار الفيزا
تكلفة الفيزا 97 ريال بتتخصم من الفيزا ب الجنيه طبعا
من جده ل مكه حجزت قطر الحرمين ب 35 ريال او ممكن تحجز باص نورث وست م المطار ل الحرم ب 35 ريال كل ساعه بيطلع
الفندق اختار اي فندق ف أجياد او محبس الجن عشان موقف الباص بتاعهم قريب للحرم لكن الباقي موقف جرول بعيد عن الحرم و له مطلع صعب على كبار السن
دعواتكم بس و اي استفسار تحت امركم
اتكلفت معايا 16400 كل حاجه ب الفندق بس الغرفه فردين و ممكن 3 و 4 كمان بنفس السعر و كان فيها 4 سراير بنفس السعر برضو بس من غير الاكل و الأكل هناك الوجبه ب 16ريال البيك و المندي نص فرخه ب 30ريال و سندوتش الشاورما ب 8 ريال صغير و 12 ريال كبير
الفندق كان إيلاف بكه ف محبس الجن و التكلفه 160 ريال ف الليله الغرفه و في ارخص من كده طبعا بس انا متعود على الفندق ده
ملحوظة مهمه الفندق غالي ف ممكن تاخدو فندق ب 80 او 100 ريال وله باص برضو و وقتها التكلفه هتقل حوالي 4000 جنيه
اذا كنت محتاج الى المزيد من المعلومات زورونا على جروب الفيسبوك عمرة ترانزيت 4ايام
او صفحة الفيسبوك صفحة عمرة ترانزيت 4ايام
اذا كنت تريد ان تقوم شركة مضمونة بحجز كل من التذاكر الطيران والتاشيرة والوجهه الثالثة والفنادق والانتقالات يمكنك الانضمام الى جروب الواتساب علية العديد من العروض
جميع العروض المتاحة من اكتر من شركة هتلاقوها فى قناة الواتساب شرفونا بالانضمام 
او جروب الواتساب
تعليقات
إرسال تعليق